Shri Saibaba Chalisa

Shri Saibaba Chalisa

Pehle Sai ke charno mein, apna sheesh nivauo maiy,

Kaise Shirdi Sai aaye, saara haal sunau maiy. ||1||

Kaun hai mata, pita kaun hai, yeh na kisi ne bhi jaana,

Kaha janam Sai ne dhara, prashan paheli raha bana. ||2||

Koee kahe Ayodhya ke, yeh Ramchandra bhagvan hain,

Koee kehta Saibaba, pavan putra Hanuman hain. ||3||

Koee kehta mangal murti, Shri Gajanan hain Sai,

Koee kehta Gokul-Mohan Devki Nandan hain Sai. ||4||

Shanker samajh bhakt kaee to, baba ko bhajhte rahte,

Koee kahe avtar datt ka, pooja Sai ki karte. ||5||

Kuch bhi mano unko tum, pur sai hain sachche bhagvan,

Bade dayalu deen-bandhu, kitno ko diya jivan-daan. ||6||

Kaee varsh pehle ki ghatna, tumhe sunaunga mein baat,

Keesy bhagyashaali ki Shirdi mein aaee thi barat. ||7||

Aaya saath usi ke tha, baalak aik bahut sunder,

Aaya aaker vahin bus gaya, paavan Shirdi kiya nagar. ||8||

Kaee dino tak raha bhatakta, bhiksha maangi usne dar dar,

Aur dikhaee aisee leela, jug mein jo ho gaee amar. ||9||

Jaise-jaise umar badi, badti hee vaisy gaee shaan,

Ghar ghar hone laga nagar mein, Sai baba kaa gungaan. ||10||

Digdigant mein laga goonjane, phir to Saiji ka naam,

Deen-dhukhi ki raksha karna, yahi raha baba ka kaam. ||11||

Baba ke charno mein ja kar, jo kehta mein hoo nirdhan,

Daya usee par hoti unkee, khul jaate dhukh ke bandhan. ||12||

Kabhi kisee ne maangi bhiksha, do baba mujhko suntaan,

Aivom astoo tub kaihkar Sai de te thay usko vardaan. ||13||

Swayam dhukhi baba ho jaate, deen-dukhijan ka lukh haal,

Anteh: karan bhi Sai ka, sagar jaisa raha vishal. ||14||

Bhakt ek madrasi aaya, ghar ka bahut bada dhanvaan,

Maal khajana behadh uskaa, keval nahi rahi suntaan. ||15||

Laga manane Sainath ko, baba mujh per daya karo,

Junjha se junkrit naiya ko, tum hee mairee par karo. ||16||

Kuldeepak ke bina andhera, chchaya hua ghar mein mere,

Isee liye aaya hoon baba, hokar sharnagat tere. ||17||

Kuldeepak ke abhav mein, vyarth hai daulat ki maya,

Aaj bhikhari ban kar baba, sharan tumhari mein aaya, ||18||

De de mujhko putra-daan, mein rini rahoonga jivan bhar,

Aur kisi ki aas na mujko, siraf bharosa hai tum per. ||19||

Anunaye-vinaye bahut ki usne, charano mein dhar ke sheesh,

Tub prasana hokar baba ne, diya bhakta ko yeh aashish. ||20||

‘Allah bhala karega tera,' putra janam ho tere ghar,

Kripa rahegi tum per uski, aur tere uss balak per. ||21||

Ab tak nahi kisi ne paya, sai ki kripa ka paar,

Putra ratan de madrasi ko, dhanya kiya uska sansaar. ||22||

Tan-man se jo bhaje usi ka jug mein hota hai uddhar,

Sanch ko aanch nahi haiy koee, sada jooth ki hoti haar. ||23||

Mein hoon sada sahare uske, sada rahoonga uska daas,

Sai jaisa prabhu mila haiy, itni ki kum haiy kya aas. ||24||

Mera bhi din tha ik aisa, milti nahi mujhe thi roti,

Tan per kapda duur raha tha, sheish rahi nanhi si langoti, ||25||

Sarita sammukh hone per bhi mein pyasa ka pyasa tha,

Durdin mera mere ooper, davagani barsata tha. ||26||

Dharti ke atirikt jagat mein, mera kuch avalumbh na tha,

Bana bhikhari maiy duniya mein, dar dar thokar khata tha. ||27||

Aise mein ik mitra mila jo, param bhakt Sai ka tha,

Janjalon se mukt, magar iss, jagti mein veh bhi mujh sa tha. ||28||

Baba ke darshan ke khatir, mil dono ne kiya vichaar,

Sai jaise daya murti ke darshan ko ho gaiye taiyar. ||29||

Paavan Shirdi nagari mein ja kar, dhekhi matvaali murti,

Dhanya janam ho gaya ki humne jab dhekhi Sai ki surti. ||30||

Jabse kiye hai darshan humne, dukh sara kaphur ho gaya,

Sankat saare mite aur vipdaon ka ant ho gaya. ||31||

Maan aur sammaan mila, bhiksha mein humko baba se,

Prati bambit ho uthe jagat mein, hum Sai ki abha se. ||32||

Baba ne sammaan diya haiy, maan diya is jivan mein,

Iska hee sambal le mein, hasta jaunga jivan mein. ||33||

Sai ki leela ka mere, mun par aisa assar hua,

Lagta, jagti ke kan-kan mein, jaise ho veh bhara hua. ||34||

'Kashiram' baba ka bhakt, iss Shirdi mein rehta tha,

Maiy Sai ka Sai mera, veh duniya se kehta tha. ||35||

Seekar svayam vastra bechta, gram nagar bazaro mein,

Jhankrit uski hridh-tantri thi, Sai ki jhankaron se. ||36||

Stabdh nisha thi, thay soye, rajni aanchal me chand sitare,

Nahi soojhta raha hath ka, hath timiri ke mare. ||37||

Vastra bech kar lote raha tha, hai! Haath se 'kaashi',

Vichitr bada sanyoga ki uss din aata tha veh akaki. ||38||

Gher raah mein khare ho gaye, usse kutil, anyaayi,

Maaro kaato looto iski, hee dhvani pari sunaee. ||39||

Loot peet kar usse vahan se, kutil gaye champat ho,

Aaghaton se marmahat ho, usne di thi sangya kho. ||40||

Bahut der tak para raha veh, vahin usi halat mein,

Jaane kab kuch hosh ho utha, usko kisi palak mein. ||41||

Anjane hee uske muh se, nikal para tha Sai,

Jiski prati dhvani Shirdi mein, baba ko parri sunai. ||42||

Shubdh utha ho manas unka, baba gaye vikal ho,

Lagta jaise ghatna sari, ghati unhi ke sunmukh ho. ||43||

Unmadi se idhar udhar tab, baba lage bhatakne,

Sunmukh chizein jo bhi aiee, unkoo lage patkne. ||44||

Aur dhadhakte angaro mein, baba ne kar dala,

Huye sashankit sabhi vaha, lakh tandav nritya nirala. ||45||

Samajh gaye sab log ki koi, bhakt para sankat mein,

Shubit khare thai sabhi vaha par, pare huye vismaiye mein. ||46||

Usse bachane ke hi khatir, baba aaj vikal hai,

Uski hi piraa se pirit, unka ant sthal hai. ||47||

Itne me hi vidhi ne apni, vichitrata dhikhlayi,

Lukh kar jisko janta ko, shradha sarita lehrayee. ||48||

Lekar sanghya heen bhakt ko, gaari ek vaha aayee,

Sunmukh apne dekh bhakt ko, Sai ki aankhe bhar aayee. ||49||

Shant, dheer, gambhir sindhu sa, baba ka anthsthal,

Aaj na jane kyon reh-rehkar, ho jaata tha chanchal. ||50||

Aaj daya ki murti svayum tha bana hua upchaari,

Aur bhakt ke liye aaj tha, dev bana prati haari. ||51||

Aaj bhakti ki vishum pariksha mein, safal hua tha Kaashi,

Uske hee darshan ki khatir, thai umre nagar-nivasi. ||52||

Jab bhi aur jahan bhi koyee, bhakt pare sankat mein,

Uski raksha karne baba jate hai pulbhur mein. ||53||

Yug yug ka hai satya yeh, nahi koi nayee kahani,

Aapat grast bhakt jab hota, jate khudh antar yami. ||54||

Bhedh bhaav se pare pujari manavta ke thai sai,

Jitne pyare Hindu-Muslim uutne hi Sikh Isai. ||55||

Bhed bhaav mandir masjid ka tor phor baba ne dala,

Ram rahim sabhi unke thai, Krishan Karim Allah Tala. ||56||

Ghante ki pratidhvani se gunja, masjid ka kona kona,

Mile paraspar Hindu Muslim, pyar bada din din doona. ||57||

Chamatkar tha kitna sundar, parichaye iss kaya ne dee,

Aur neem karvahat mein bhi mithaas baba ne bhar dee. ||58||

Sabko sneha diya Sai ne, sabko suntul pyar kiya,

Jo kuch jisne bhi chaha, baba ne usko vahi diya. ||59||

Aise snehsheel bhajan ka, naam sada jo japa kare,

Parvat jaisa dhukh na kyoon ho, palbhar mein veh door tare. ||60||

Sai jaisa daata humne, aare nahi dekha koi,

Jiske keval darshan se hee, saari vipda door gayee. ||61||

Tan mein Sai, man mein Sai, Sai bhajha karo,

Apne tan ki sudh budh khokur, sudh uski tum kiya karo. ||62||

Jab tu apni sudh tajkur, baba ki sudh kiya karega,

Aur raat din baba, baba, baba hi tu rata karega. ||63||

To baba ko aare! vivash ho, sudh teri leni hee hogi,

Teri har icha baba ko, puree hee karni hogi. ||64||

Jungal jungal bhatak na pagal, aur dhundne baba ko,

Ek jagah keval Shirdi mein, tu paiga baba ko. ||65||

Dhanya jagat mein prani hai veh, jisne baba ko paya,

Dukh mein sukh mein prahar aath ho, sai ka hee gune gaya. ||66||

Gire sankat ke parvat, chahe bijli hi toot pare,

Sai ka le naam sada tum, sunmukh sub ke raho arre. ||67||

Iss budhe ki sunn karamat, tum ho jaoge hairaan,

Dang reh sunkar jisko, jane kitne chatur sujaan. ||68||

Ek baar Shirdi mein sadhu dhongi tha koi aaya,

Bholi bhali nagar nivasi janta ko tha bharmaya. ||69||

Jari, butiyan unhe dhikha kar, karne laga vaha bhashan,

Kehne laga sunno shrotagan, ghar mera hai vrindavan. ||70||

Aushadhi mere paas ek hai, aur ajab iss mein shakti,

Iske sevan karne se hi, ho jaati dukh se mukti. ||71||

Aggar mukta hona chaho tum, sankat se bimari se,

To hai mera numra nivaidan, har nar se har nari se, ||72||

Lo kharid tum isko, sevan vidhiyan hai nyari,

Yadyapi tuch vastu hai yeh, gun uske hai atisheh bhari. ||73||

Jo hai suntaan heen yeh yadi, meri aushdhi ko khaye,

Putra ratan ho parapat, aare aur veh mooh manga phal paye. ||74||

Aushadh meri jo na kharide, jeevan bhar pachtayega,

Mujh jaisa prani shayad hi, aare yaha aa payega. ||75||

Duniya do din ka mela hai, mauj shaunk tum bhi kar lo,

Gar is se milta hai, sub kuch, tum bhi isko le lo. ||76||

Hairani barti janta ki, lakh iski kaarastaani,

Pramudit veh bhi man hi man tha, lakh logo ki nadani. ||77||

Khabar suna ne baba ko yeh, gaya daud kar sevak ek,

Sun kar bhukuti tani aur, vismaran ho gaya sabhi vivek. ||78||

Hukum diya sevak ko, satvar pakar dusht ko lao,

Ya Shirdi ki seema se, kapti ko duur bhagao. ||79||

Mere rehte bholi bhali, shirdi ki janta ko,

Kaun neech aisa jo, sahas karta hai chalne ko. ||80||

Pulbhur mai hi aise dhongi, kapti neech lootere ko,

Maha naash ke maha gart mein, phahuncha doon jivan bhar ko. ||81||

Tanik mila aabhaas madari, krur kutil anyayi ko,

Kaal nachta hai ab sir par, gussa aaya Sai ko. ||82||

Pal bhar mein sab khel bandh kar, bhaga sir par rakh kar pairr,

Socha tha sabh hi ab, bhagvan nahi hai ab khair. ||83||

Such hai Sai jaisa daani, mil na sakega jag mein,

Ansh iish ka Sai baba, unhe na kuch bhi mushkil jag mein. ||84||

Sneh, sheel, sojanya, aadi ka abhushan dharan kar,

Badta iss duniya mein jo bhi, manav sevaye path par. ||85||

Vahi jeet leta hai jagti, ke jan jan ka anthsthal,

Uski ek udasi hi jag ko kar deti hai vrihal. ||86||

Jab jab jug mein bhar paap ka bar bar ho jaata hai,

Usse mita ne ke hi khatir, avtari ho aata hai. ||87||

Paap aur anyaya sabhi kuch, iss jagti ka har ke,

Duur bhaga deta duniya ke danav ko shan bhar mein. ||88||

Sneh sudha ki dhar barasne, lagti hai duniya mein,

Gale paraspar milne lagte, jan jan hai aapas mein. ||89||

Aisse hee avtari Sai, mrityulok mein aakar,

Samta ka yeh paath paraya, sabko apna aap mitakar. ||90||

Naam dwarka masjid ka , rakha Shirdi ne,

Haap taap, suntaap mitaya, jo kuch aaya Sai ne. ||91||

Sada yaad mein mast ram ki, baithe rehte thai Sai,

Peher aath hee naam ram ka, bhajte rehte thai Sai. ||92||

Sookhee rookhee tazi baasi, chahe ya hovai pakvaan,

Sada pyar ke bhooke Sai ke, khatir thai sabhi samaan. ||93||

Sneh aur shradha se apni, jan jo kuch de jaate thay,

Bade chaav se uss bhojan ko, baba paavan karte thay. ||94||

Kabhi kabhi man behlane ko, baba baag mein jate thay,

Pramudit man nirukh prakrati, chatta ko veh hote thay. ||95||

Rang-birange pushp baag ke manam manam hil dul karke,

Beehar birane man mein bhi sneh salil bhar jate thai. ||96||

Aise su-madhur bela mein bhi, dukh aafat bipda kai maare,

Apne man ki vyatha sunane, jan rehte baba ko ghere. ||97||

Sunkar jinki karun katha ko, nayan kamal bhar aate thay,

De vibhuti har vyatha, shanti, unke uur mein bhar dete thay. ||98||

Jaane kya adhbut, shakti, uuss vibhuti mein hoti thi,

Jo dharan karke mastak par, dukh saara har leti thi. ||99||

Dhanya manuj veh sakshaat darshan, jo baba Sai ke paye,

Dhanya kamal kar unke jinse, charan kamal veh parsai. ||100||

Kaash nirbhaiy tumko bhi, saakshat Sai mil jaata,

Varshon se ujra chaman apna, phir se aaj khil-jata. ||101||

Gar pakar mein charan shri ke, nahi chorta umar bhar,

Mana leta mein jaroor unko gar rooth te Sai mujh par!! ||102||